الكلاميديا هي التهاب منتشر ومعروف، ويصاب بها عدد كبير من الناس، اهتمامنا بالجنس الآمن وتركيزنا على الفحص الطبي ممكن يجنبنا الاصابة به.
لكن في حالة العدوى والإصابة به فلازم نعرف اننا لازم نتحرك ونبدأ بكشف طبي علشان نقدر نعالجها ونتمتع بصحة جنسية أفضل.
كمان اذا اكتشفنا الإصابة، من الأمانة ابلاغ أي شركاء/شريك/ة كنا معاه/ا/هم في علاقة جنسية/جسدية علشان هما كمان يحصلوا على العلاج المناسب.
نحب نفكركم/ن ان الالتهابات الجنسية مش وصمة، واننا كلنا معرضين لها في أحيان كتير، لكن مسؤوليتنا هي التعامل معاها وعلاجها ومنع انتشارها.
