بدأنا نسمع مؤخراً مصطلحات عربية جديدة ليها علاقة بالجنس ممكن مانعرفش معناها أو حتى نلاقيها غريبة شويتين علشان مش متعودين نسمعها .. مع إننا بنكون عارفينها وبنستخدمها بالإنجليزي
زي مصطلح الجنسانية مثلاً ..
سمعتوا كلمة “الجنسانية” قبل كده وسألتوا نفسكو هي إيه دي؟
في قاموس ذا سكس توك بالعربي بنعرّف الجنسانية على إنها جزء من الهوية الجنسية للأفراد، وكونها جزء من (الهوية) يعني حاجتين: ١- إنها بتتكون من عوامل مركبة كتييرة ومعقّدة.
٢- إنها خاصة بيك/ي لوحدك. لأنها زي الهوية؛ فماينفعش حد يشاركك هويتك، ولا إيه؟
البعض بيعرّف الجنسانية على أنها الميول الجنسية، لكن احنا بنشوفها بنظرة أشمل، فبالرغم من إنها بتشمل الميول الجنسية، لكنها بتشمل كمان التفضيلات الجنسية، الرغبات الجنسية، الطريقة اللي بنفكر وبنحس فيها تجاه الجنس، وعلاقة أجسادنا مع الجنس.
يعني بالمختصر كده، كل الأفكار والمشاعر والجوانب الجنسية اللي بنمتلكها … سواءً تجاه أنفسنا (علاقتنا مع الجنس) أو تجاه الآخرين (علاقاتنا الجنسية مع الآخرين)
دلوقتي قولولنا … إيه هي الكلمة الجنــسـية اللي لسا مش لاقيينلها تفسير أو مرادف بالعربي؟
