عشان مش كل الأفراد اللي عندهمن مهبل بيعرفوا نفسهمن على أنهم ستات، ولا كل الأفراد اللي عندهمن قضيب بيعرفوا نفسهمن على أنهم رجالة؛ زي الأفراد العابرين/ات جنسياً، الأفراد غير معياري الجندر، وبينيي الجنس. بالتالي مصطلح أصحاب وصاحبات المهبل/القضيب شامل أكتر.

مافيش حاجة اسمها تشجيع على المثلية! المثلية هي ميل جنسي طبيعي، زيه زي الميل الغيري. ومش متشخصة على أنها مرض نفسي أو عضوي، زي ما ناس كتير فاكرة. احنا ببساطة مؤمنات إن كل الأفراد من حقهمن يتعلموا عن أجسامهمن، وجنسانيتهمن، وحقوقهمن.

أحسن وسيلة هي الوسيلة المناسبة ليكو بحسب احتياجاتكو.. لكن احنا بنرشح الواقي الذكري (الكوندوم) لأنه الوسيلة الوحيدة اللي بتمنع من الحمل وبتحمي من العدوى المنقولة جنسياً في نفس الوقت، وكمان بتقلل نسبة الالتهابات المهبلية.

الكوندوم سهل الاستخدام ومالوش أي أعراض جانبية على عكس وسائل منع الحمل الهرمونية أو العمليات.

أيوة، ممكن!… حتى لو جابهم برة، في حاجة اسمها سائل ما قبل القذف (precum)، واللي بيتفرز خلال الإثارة عند أصحاب القضيب قبل ما يوصلوا للنشوة. كمية السائل ده بتكون بسيطة، وممكن ماتحسوش بيها. ومع أن السائل ده مافيهوش حيوانات منوية حية، لكن في احتمال أنه يتخلط بسائل منوي كان موجود في مجرى البول، ويسبب حمل.

لأ، الإمتاع الذاتي مش مضر بصفة عامة، بالعكس ليه فوايد زي أنه بيساعدنا نستكشف أجسامنا ورغباتنا، بيحسن المزاج، بيقلل التوتر وبيحسن جودة النوم.

لو كنتوا بتحسوا بالذنب من ممارسة الإمتاع الذاتي، أو لو لاقيتوه بيأثر بشكل سلبي على علاقاتكو، أو حتى حياتكو؛ ممكن تتكلموا مع أخصائي/ة نفسي/ة جنسي/ة عشان يساعدوكو في ده. أو ممكن تشاركوا ده مع دوائركو القريبة اللي بتثقوا فيهمن، وممكن يساعدوكو.

ايوة، لو مارستوا جنس فموي مع شخص مصاب، ممكن يجيلكوا عدوى منقولة جنسياً. عشان كده بننصحكمن تستخدموا الواقي الذكري أو الفموي، وتعملوا فحوصات بشكل دوري. ولو حد فيكمن عنده/ا جرح في الفم أو الأعضاء الجنسية، يفضل أنكو تستنوا.

في أسباب كتير، بس أكتر واحد شائع عند أصحاب وصاحبات المهبل هو أن المهبل يكون مش مبلول (مفيهوش ترطيب)، وده بيبقى غالباً بسبب أن محصلش مداعبات كفاية قبل الإدخال.

زيه زي أي ممارسة جنسية، هيكون آمن لو اتعمل بالشكل الصح ولو اخدتوا الاحتياطات اللازمة زي استخدام الواقي الذكري، واستخدام مزلقات عشان تقللوا الاحتكاك، وتنضيف المنطقة كويس قبل وبعد، ومتستخدموش نفس الواقي بعد ما تمارسوا الجنس الشرجي عشان تمارسوا الجنس المهبلي.

لأ، كشوفات العذرية مش دقيقة ومالهاش أي أساس علمي. لأنها بتعتمد على إكليل المهبل اللي بيسموه “غشاء البكارة” وده شكله مختلف عند أصحاب وصاحبات المهبل، وبيتأثر بحاجات كتيرة مالهاش علاقة بالجنس، وفي أفراد حتى بيتولدوا من دونه.
عشان كدة مفيش أي طريقة أن حد يعرف لو مارستي الجنس قبل كدة ولا لأ … إلا لو انتي قولتيله.

مش شرط، التفضيلات الجنسية (بنحب إيه) مالهاش علاقة بالميول الجنسية (بننجذب لمين).

لو كنت من أصحاب القضيب وبتستمتع بتحفيز فتحة الشرج، ده لأنها بتحتوي على نهايات عصبية حساسة، وقريبة من غدة البروستاتا، فبتزيد المتعة.

لكن ده مالوش علاقة بميولك الجنسية، مثلية، أو غيرية، أو غيرها.