« Back to Glossary Index
يعني إيه “جنسانية”؟
الجنسانية هي جزء من هويتنا الجنسية
الجنسانية مصطلح شامل ممكن من خلاله نعبر عن
- التفضيلات الجنسية (بنحب إيه وما بنحبش إيه)
- الميول الجنسية (بننجذب لمين جنسياً وعاطفياُ)
- أفكارنا ومشاعرنا تجاه الجنس والرغبة الجنسية.
- الطريقة اللي بنفهم بيها أجسامنا وبنعبر عنها.
–الجنسانية مطاطة: زي العجينة، مالهاش شكل ثابت، يعني ممكن تتبدّل مع تطوّرنا ونموّنا واكتشافنا لنفسنا وتفضيلاتنا
–الجنسانية زي البصمة: خاصة بيك/ي لوحدك، مابتشبهش حد تاني، وده اللي بيخليها فريدة ومميزة.
البعض بيعرّف الجنسانية على أنها الميول الجنسية، لكن احنا بنشوفها بنظرة أشمل، فبالرغم من إنها بتشمل الميول الجنسية، لكنها بتشمل كمان التفضيلات الجنسية، الرغبات الجنسية، الطريقة اللي بنفكر وبنحس فيها تجاه الجنس، وعلاقة أجسادنا مع الجنس.
يعني بالمختصر كده، كل الأفكار والمشاعر والجوانب الجنسية اللي بنمتلكها … سواءً تجاه أنفسنا (علاقتنا مع الجنس) أو تجاه الآخرين (علاقاتنا الجنسية مع الآخرين)
« Back to Glossary Index