دليل الإجهاض الآمن، بالعربي
ﻫﺎﻟﻠﻮ ﻫﺎﻟﻠﻮ
وردة بنت فضولية … حشورة يعني، عايزة تعرف كل حاجة عن كل حاجة؟!!
أول امبارح وردة قرأت المقال تقارير منظمة الصحة العالمية بتقول إن في حوالي ٢٢ مليون حالة إجهاض غير آمن بتحصل سنوياً، ٩٨٪ منها في الدول النامية، وإن ٤٧ ألف ست بتفقد حياتها سنوياً بسبب الإجهاض غير الآمن، غير اللي بيعيشوا بإعاقات مستديمة لبقية حياتهم، غير الآثار النفسية اللي بتحصلهم.
وفجأة وهي بتقراه جالها رسالة على الموبايل من تطبيق متابعة الدورة الشهرية بيقولها إنها ممكن تبقي حامل عشان الدورة اتأخرت؟!
وردة بتفكر: “حامل إزاي يعني؟ إيه الهبل ده “
قعدت وردة طول اليوم في كل الجروبات على الفيس بوك تقرأ وتتكلم مع ناس متعرفهاش عن الحمل والرضاعة والسكس وأخيراً الإجهاض.ولما كل اللي سمعته خوفها أكتر، قررت تروح تسأل مدام بهيرة، اسم على مسمّى، ست عندها قدر مرعب من المعلومات المبهرة ولما بتتزنق بتسأل سوسن جارتها الدحاحة، دودة قراءة وبتبحث وراء مصادر معلوماتها.
الفصل الأول: الحمل وسنينه
وردة: هو أنا أعرف منين إن أنا حامل؟
بهيرة:
علامات الحمل المبكرة بتختلف من ست للتانية حسب طبيعة جسمها وحالتها الصحية وانتظام هرموناتها، بس في مجموعة من العلامات ممكن تخليكي تفكري إنك حامل وده طبعاً بعد حدوث ممارسة جنسية خاصة لو حصلت علاقة من غير وسيلة حماية.
العلامات هي:
وردة:
إيه ده؟
بيحصل أحياناً شيء اسمه دم الغرس أو implantation bleeding، ده دم بينزل حوالين وقت الحيض تقريباً، لما البويضة المتخصبة توصل الرحم وتغرس نفسها في بطانة الرحم.
دم الغرس مش بينزل عند كل الستات، وبيختلف عن دم الحيض في كذا حاجة:
١- كميته أقل
٢- لونه أفتح
٣- بيقعد يوم أو يومين مش أكتر
انتفاخ الثديين والشعور بألم فيهم
شعور عام بالإرهاق
رغبة في التبول أكتر من المعتاد (خصوصاً بالليل).
اضطرابات في الجهاز الهضمي (إسهال، إمساك، انتفاخ، قيء، غثيان)
اشتهاء أطعمة معيّنة (الوحم أو الـ craving)
تغيرات في حاسة التذوّق (طعم غريب في بقك، الأكل طعمه اتغيّر) أو حاسة الشم (حساسية زايدة لروايح معينة، لو بتدخني ممكن ريحة السجاير تضايقك)
وردة:
بهيرة:
وردة:
بهيرة:
الاختبار المنزلي (اختبار البول):
ده اللي بيكون متاح في الصيدليات وتقدري تعمليه في البيت. مميزاته أنه أسهل وأرخص وبيحافظ على خصوصيتك، ولو اتبعتي التعليمات صح، دقته بتوصل
لـ ٩٩٪. لو هتعملي اختبار الحمل المنزلي خليكي فاكرة شوية حاجات:
١- اتأكدي من تاريخ الصلاحية على العبوة: لو الاختبار منتهي الصلاحية ممكن يديكي نتايج غلط.
٢- اعملي الاختبار أول ما تصحي من النوم: في الوقت ده الهرمون، لو موجود، بيكون في أعلى نسبة ليه.
3- لو النتيجة مش واضحة بالنسبة لك لأي سبب كان، عيدي الاختبار مرة تانية، أو اعملي اختبار دم.
٤- لو مش هتقدري تعملي الاختبار أول ما تصحي، اتأكدي إنك عديتي وقت كافي (٣ ساعات على الأقل) من آخر مرة دخلتي فيها الحمام قبل ما تعملي الاختبار.
5- ما تشربيش مياه كتير قبل الاختبار: عشان ده ممكن يخفف نسبة الهرمون في البول فيديكي نتيجة مش مزبوطة.
وردة:
بهيرة: الفرق في شكل النتيجة.
الاختبار المنزلي العادي بيطلعها في صورة خطوط (خط واحد لو سلبي، خطين لو إيجابي)
أما الاختبار الرقمي فبيطلع لك النتيجة في صورة كلمة مكتوبة (Pregnant) أو (Not Pregnant).
في ناس بتتلخبط من الخطوط وبتشوف ده أسهل وأوضح، بس النوعين بيشتغلوا بنفس الطريقة وليهم نفس الدقة.
وردة:
بهيرة:
الاختبار ممكن يظهرلك نتيجة سلبية مزيفة لو:
١- كمية البول اللي استخدمتيها في الاختبار أقل من المطلوب.
٢- لو شربت مياه كتير قبل الاختبار
٣- لو عملت الاختبار بدري
بهيرة:
الاختبار ممكن يظهرلك نتيجة إيجابية مزيفة في حالة من اتنين:
١- مشكلة في الرحم أو الهرمونات بتخلي هرمون الحمل يتفرز بالرغم من إن مفيش حمل.
٢- بعد الإجهاض مباشرة، ممكن النتيجة تكون إيجابية لأن الهرمون بيفضل موجود في الدم شوية حتى بعد نزول الجنين، ودي حاجة هنتكلم عنها بالتفصيل قدام.
وردة:
بهيرة:
الفصل التاني: هو إيه الإجهاض؟
الإجهاض هو عملية التخلص من حمل غير مرغوب فيه، وردة كانت دايما بتسأل هو ليه ممكن واحدة تبقى عايزة تمر بالإجهاض؟ أو تتخلص من النونو، ماما دايما تقول العيال رزق … بس في ستات بتناضل وبتتكلم في حوار الحق في الإجهاض وحاجات أنا مش فاهماها ..
يوووه أنا زهقت، هو كل شوية هيطلعلي أسئلة أكتر؟ أنا هكلم بهيرة
تترررن
وردة:
بهيرة:
مهم نعرف إن الإجهاض تجربة إنسانية شائعة عبر التاريخ، والأسباب وراها بتختلف.
-فممكن واحدة تلاقي نفسها واقعة في موقف صعب ومش قادرة تخلف في الوقت ده.
-وممكن تكون اتعرضت للعنف،أو للاعتداء الجنسي والاغتصاب. -ممكن يكون عندها ضغوطات مالية، أو اجتماعية.
-ممكن يكون عندها أطفال بالفعل، ومش عاوزة تخلّف تاني. -وممكن تكون لا إنجابية، يعني مش عايزة أطفال أبداً.
-وناس عندها ظروف صحية بتخلي الحمل غير آمن ليها، وناس تانية محتاجة تلتزم بعلاج طبي، وناس مش عايزة تخلّف دلوقتي، أو مش عايزة تخلّف من الشخص ده.
الأسباب كتيرة ومابتخلصش، لكن كلها صالحة بنفس القدر، طالما هي صالحة وحقيقية للست الحامل.
وردة:
بهيرة:
وردة:
بهيرة:
ليه ممكن ست تلجأ للإجهاض بطرق غير آمنة؟ هو إحنا ناقصين وجع قلب؟ وقلة أمان؟!!!
الستات بتلجأ للإجهاض غير الآمن لأسباب كتير، منها:
عدم توفر وسائل الإجهاض الآمن في مجتمعاتها
تجريم الإجهاض وده بيخلي الوصول لطرق آمنة صعب
الخوف من الوصم المجتمعي أو الديني
نقص المعرفة بالوسائل المناسبة للإجهاض الآمن.
الفصل التالت: أين أنت يا عم الإجهاض الآمن؟
بهيرة:
سوسن:
إجهاض دوائي
إجهاض جراحي
١- الإجهاض الدوائي
سوسن:
وردة:
سوسن:
أدوية الإجهاض وطريقة عملها:
الإجهاض الدوائي بيستخدم فيه نوعين من الحبوب:
ميفيبريستون
ميزوبرستول
وردة:
سوسن:
1- فوط صحية ماكسي بكميات كافية
2- سناكس، مياه، مناديل مبللة
3- مسكن للألم (مش أسبرين)
4- دوا للغثيان
5- قربة/ زجاجة مياه دافية عشان التقلصات
6- حاجة تفرشيها على مرتبة السريرعشان الدم
7- خلي معاكي رقم دكتور(ة) تكلميه/ا في حالة الطوارئ
8- ما تنسيش تشحني موبايلك
9- ممكن تاخدي شاور (حمام) دافي قبل الميزوبرستول عشان جسمك يسترخي
10- يفضّل إن يكون معاكي حد بتثقي فيه وبترتاحي في وجوده/ها، لو حابة تكوني لوحدك ممكن تحضّري كتاب أو حاجة تتفرجي عليها
إيه اللي ممكن أتوقعه وقت الإجهاض؟
بعد الميفيبرستون مش هتلاحظي أي تغيير. التغيير بيبدأ مع الميزوبرستول، بعد الجرعة الأولى بـ ١-٤ ساعات هتحسي بأعراض زي أعراض الدورة الشهرية بس شديدة، مغص وتقلصات، ودم كتير بينزل من المهبل، والدم ده بيكون فيه كتل حجمها كبير شوية (ممكن قد الليمونة، ما تقلقيش ده طبيعي).
ممكن تحسي بغثيان، إرهاق، دوخة، رعشة، إسهال، درجة حرارتك ممكن تعلى شوية، كل ده بيستمر لمدة ٤-٥ ساعات وبعدها بيهدى.
شعور الإرهاق ممكن يستمر يوم أو يومين بعد انتهاء الإجهاض، وممكن يفضل فيه تنقيط دم خفيف في الكام يوم اللي بعدها.
وردة:
الكتل دي بطانة الرحم اللي حجمها كان كبر عشان الجنين يغرس نفسه فيها.
وردة:
لو عايزة تتأكد ممكن تعمل اختبار حمل بعدها بس خدي بالك إن اختبار البول ممكن يديكي نتيجة إيجابية حتى بعد نجاح الإجهاض، لأن هرمون الحمل بيفضل في الدم فترة ممكن توصل لـ ٥ أسابيع لحد ما يختفي خالص.
لو لسه حاسة بأعراض حمل بعد الإجهاض اعملي اختبار حمل كمي في الدم (اللي بيقولك نسبة هرمون الحمل قد إيه) واعمليه تاني بعدها بأيام.
لو النسبة بتقل (حتى لو لسه موجود) يبقى الحمل انتهى وجسمك بس محتاج وقت عشان يتخلص من هرمون الحمل، لو بيزيد يبقى الحمل لسّه ما انتهاش. في كل الأحوال لو شاكّة اعملي سونار.
رعاية ما بعد الإجهاض الدوائي
بهيرة:
الرعاية الجسدية:
بعد الإجهاض ممكن تحسي بشوية تغيرات جسدية، زي انتفاخ في الثديين، أو نزول حليب من الحلمة، وإرهاق. التغيرات دي بتختلف من ست لتانية، لكن كلها طبيعية، وكلها مؤقتة. في الأيام اللي بعد الإجهاض مهم تاكلي أكل مغذي، وتشربي مياه بكميات كافية، وتلبسي هدوم مريحة. الرياضة بعد الإجهاض مش ممنوعة لكن تجنبي المجهود العنيف أو شيل الحاجات التقيلة لحد ما تستعيدي عافيتك بالكامل، ممكن تمشي أو تلعبي يوجا.
كمان وارد بعد الإجهاض تلاحظي زيادة في الإفرازات المهبلية أو تنقيط دم (spotting) لفترة. ده طبيعي ومؤقت، وممكن تستخدمي فوط يومية أو كاس الحيض لحد ما التنقيط ده يخلص.
مهم كمان تحافظي على النضافة الشخصية في الفترة دي، مش محتاجة غسول أو أي مواد كيماوية، غسل الفرج بمياه وتنشيفه كويس بعد كل حمام وتغيير الملابس الداخلية يومياً هيكون كافي.
الرعاية النفسية
ستات كتير بتحس براحة بعد الإجهاض، لكن وارد جداً تحسي بمشاعر زي الحزن، أو الندم أو القلق، وممكن يبقى مزيج من كل ده. جزء من تضارب المشاعر ده ممكن يكون بسبب لخبطة الهرمونات، وجزء ممكن يكون بسبب شعورك إنتي تجاه التجربة نفسها.
مهم في الفترة دي تتكلمي عن مشاعرك مع حد بتثقي فيه، وبترتاحي للكلام معاه/ا/م، يكونوا قادرين يدعموا، ويسمعوا بذهن منفتح.
سواء حد من الأصدقاء أو الشركاء أو مجموعة دعم في المدينة اللي إنتي فيها. ممكن كمان تدوري على طريقة إبداعية للتعبير عن مشاعرك تجاه التجربة دي زي الرسم أو الكتابة.
لو حسيتي إن العبء النفسي كبير، فكري تطلبي المساعدة من معالج أو أخصائي نفسي، أو من أحد المؤسسات الداعمة في مدينتك.
2- الإجهاض الجراحي
الإجهاض الجراحي هو اللي بيتم على يد دكتور متخصص في العيادة أو المستشفى تحت تخدير كلي أو موضعي.
الإجهاض الجراحي هو الحل الأنسب لو:
– لو عمر الحمل أكتر من ١١ أسبوع
– لو حصلت أي مضاعفات
– لو في مشاكل صحية ليها علاقة بسيولة الدم
الشفط
الكشط (الكيوريتاج)
سوسن:
وردة:
سوسن:
الفصل الرابع: وما قول القوانين في هذا؟
وردة:
بهيرة:
العقوبات بتتراوح بين الحبس والغرامة لو ثبت إن الست كانت بتحاول تنهي حمل غير مرغوب فيه، سواء في إطار الزواج أو خارج إطار الزواج. الاستثناء الوحيد هو تونس اللي الإجهاض فيها قانوني وغير مشروط مادام الحمل ما عداش أكتر من ٣ شهور، ويتعمل بعد كده لو في تشوهات في الجنين أو لو الحمل بيشكل خطورة على حياة الأم.
وردة:
بهيرة:
معلومات موجودة في الدليل ومكتبنهاش هنا
- في أسباب كتير للإجهاض غير اللي ذكرناها، وكمان فيه شرح أوضح ليه ماينفعش نرجع نستخدم الأساليب البدائية واللي مش آمنة للإجهاض.
- هتلاقي كمان أسماء بديلة لأدوية الإجهاض المنزلي، ودليل كامل لاستخدام الحبوب بالتفصيل في البيت من غير ما تحتاجي تروحي لطبيب/ة.
- وكمان فيه إجابات لأسئلة كتير ممكن تكوني بتفكري فيها، بس وردة سألتها عنك زي:
- ينفع أستخدم الميفيبريستون لوحده؟
- طيب لو عايزة أستخدم الميزوبروستول بس، أستخدمه إزاي؟ هل لازم آخد الـ١٢ حباية كلهم بنفس الطريقة؟ كلهم تحت اللسان؟ ولا كلهم مهبلي؟ ولا ممكن أوزّعهم؟
- ممكن أحتاج أزوّد الجرعة؟
- الحبوب بتاخد وقت قد إيه عشان تشتغل؟
- أيمتى ممكن أحتاج أروح المستشفى؟
- إيه هي المخاطر أو المضاعفات اللي ممكن تحصل بعد الإجهاض؟ وإزاي أعرف لو فيه حاجة غلط بسبب استخدام الحبوب؟ وأتصرف إزاي؟
- لو الإجهاض ما نجحش من أول مرة، ينفع أجرّب تاني؟
- أيمتى ممكن أمارس الجنس تاني بعد الإجهاض؟
- هل الإجهاض الدوائي ممكن يأثر على فرص الحمل بعدين؟
- في كمان قسم كامل عن حالات الاغتصاب، والخطوات اللي ممكن تعمليها علشان تحمي نفسك لو الشر برا وبعيد اتعرضتي للجريمة البشعة دي.
- هتلاقي كمان معلومات أكتر عن قانونية الإجهاض في الدول العربية، وكمان منظمات ممكن تساعدك لو عندك شكوك أو أسئلة وقت الإجهاض، أو حتى ممكن توفرلك وسيلة آمنة وسرّية لطلب حبوب الإجهاض، زي منظمة Women on Web.
- وفي معلومات مهمة عن الإجهاض في تونس، والخط الساخن للإجهاض الآمن في المغرب، وكمان منظمات دولية بتدعم حق الإجهاض الآمن.
- وأهم حاجة إنك هتلاقي مصادر كتيييير ممكن تقري منها وتتأكدي من كل كلمة قلناها هنا.