الجنس مش لازم يوجع

ناس كتير فاكرة أنه الجنس ممتع بس للرجالة! أما الستات فتكسر على أنفها بصلة بقى وتستحمل 😏

لكن دي في الحقيقة خرافات، ولو الجنس بيوجع فعلاً (وده مش من تفضيلاتكوا)، يبقى في سبب متخبي ورا الوجع ده وفي حاجة محتاجة تتحل. عشان كده تعالي نتعرف على أهم أسباب الوجع خلال الجنس الإدخالي اللي ممكن يحصل عند الأفراد اللي عندهم/ن مهبل:

1-مش مبلول كفاية: ده واحد من أشيع أسباب الوجع اللي ممكن يحصل خلال الجنس، وبيرجع غالباً لعدم كفاية مدة المداعبات قبل الإدخال.
وممكن يحصل كمان بسبب حالات معينة زي هبوط في هرمون الإستروجين، واللي بيحصل بعد انقطاع الحيض، وبعد الولادة…وفي الحالات دي، استخدام مزلق جنسي ممكن يساعدكمن. 👌

2-الالتهابات والعدوى: زي العدوى اللي بتحصل في الأعضاء الجنسية، أو حتى عدوى المسالك البولية. 🦠

3-التشنج المهبلي: اللي بيخلي عضلات المهبل تتقلص بشكل لا إرادي وتخلّي عملية الإدخال مؤلمة.

4-بعض الحالات الصحية: زي البواسير، وجود أكياس على المبيض، بطانة الرحم المهاجرة، التهاب الحوض، وغيرها. وفي الحالات دي بيكون الألم غالباً بيحصل مع الإدخال العميق.

5-عوامل عاطفية ونفسية زي توتر وقلق حول ممارسة الجنس، وجود تجربة جنسية مؤلمة من قبل، حصول اعتداء جنسي من قبل، وغيرها.

دي شوية بس من الأسباب، وأكيد في غيرها. المهم أنكو تعرفوا أن ممارسة الجنس مش لازم توجع، (إلا لو ده كان من تفضيلاتكمن).
لكن لو كانت بتوجع، والوجع ده بيسببلكو عدم ارتياح، ومتعة أقل؛ فلازم تعرفوا السبب، ومن بعدها الحلول، وده ممكن تلاقوه في مقالنا: 5 وضعيات جنسية لجنس خالي من الألم.
اقروه دلوقتي من هنا