هو صحيح ممكن أحمل وأولد بشكل آمن وأنا عندي HIV؟
أكيد ممكن!
مع كل التقدم العلمي الحاصل بالتعامل مع فيروس الـHIV، بقوا الأفراد المتعايشين معاه قادرين يعيشوا حياتهمن بشكل طبيعي جداً، ويعملوا كل اللي نفسهمن بيه … وأكيد يخلّفوا لو عايزين!
لكن أكيد بتبقى في شوية إجراءات محتاجين تاخدوا بالكمن منها لو أنتوا أو شركاؤكمن متعايشين مع الفيروس ده. من الإجراءات دي هي الأدوية اللي بتستخدموها (اللي ممكن تتغير خلال الحمل)، طريقة الولادة الأنسب والأأمن ليكمن (مهبلية أو قيصرية)، قد ايه الإرضاع الطبيعي آمن في حالتكمن ولو هو الخيار الأفضل ولا لأ، وأكيد الاختبارات الدورية اللي بتضمن صحتكمن وسلامتكمن وسلامة الحمل.
علشان كده أهم خطوة محتاجين تعملوها لو أنتو متعايشين مع فيروس الـHIV وعايزين تخلّفوا، هي أنكو تستشيروا طبيب/ة النسا المختص/ة وأخصائي/ة الـHIV كمان، وتبنوا معاهمن الخطة الأنسب ليكمن، وتتابعوا معاهمن قبل الحمل، خلاله، وبعده كمان، وتلتزموا بالفحوصات اللازمة، علشان تضمنوا أمنكمن وسلامتكمن أنتوا والطفل.
ولو عايزين تعرفوا معلومات أكتر عن فيروس الـHIV، اقروا الدليل الكامل (أتشڤة) من هنا.
