(الزنبور)
الكنز اللي ماحدش عارف يلاقيه
Illustration: قاموس The Sex Talk بالعربي
2البظر هو عضو موجود في الأفراد اللي عندهن مهبل. شكله من برا زي حبة البازيلا أو اللؤلؤ، وفيه 8000 نهاية حسية عصبية، ووظيفته بس:
المتعة!
3طب ألاقيه فين؟
حتلاقوه في الحتة اللي فوق من الكس (الفرج)، ما بين الشفايف الصغيرة، فوق فتحة المهبل وفتحة البول. غالباً هيكون بشكل نتوء بارز، لكن ساعات ممكن يكون متغطي بجلدة صغيرة لابساه زي الزعبوط
لكن ده راس البظر بس، وما خفي كان أعظم!
4-فالبظر أكبر بكتير من الراس الموجودة برا، وجزء كبير منه موجود جوا الجسم على شكل حرف V بيحيط بقناة المهبل والإحليل
وده واحد من الأسباب اللي بتخلي الجنس الإدخالي ممتع للبعض، لأن بصيلات البظر الداخلية بتحتك في جدار المهبل وبتحفز المتعة.
5-إزاي بنحفز متعة البظر؟
البظر حساس لجميع أنواع اللمس سواء بالإيدين، أو باللحس (باللسان)، أو بالألعاب الجنسية وده بيرجع لتفضيلات الفرد بنوع وشدة وسرعة اللمسة
وأنت وشطارتك!
الكابشن: البظر هو العضو الوحيد اللي وظيفته هي بس المتعة! يمكن علشان كده كان قاهر ناس وباحثين كتير زي فرويد اللي كان رافض تماماً لمتعة البظر وكان يسميه قضيب غير مكتمل، مع أن النهايات الحسية الموجودة في راس البظر ضعف الموجودة في راس القضيب!
مش بس فرويد كتاب تانيين كتير زي هنريتش كرامر مثلاً اللي كان بيوصف بعض النساء على مزاجه بالساحرات والإثبات هو البظر! فـلو حفزت #البظر وانتفخ معناها أكيييد دي ساحرة! مش عارف الواحد يقول إيه بجد 😅
المعتقدات دي أدت لجرائم ضد الستات زي الختان اللي بيتم فيه استصال الجزء الخارجي من البظر واللي لسا في مناطق من العالم بتمارسه لحد اليوم ده!
دلوقتي قولولنا .. حابين تعرفوا إيه كمان عن البظر؟
« Back to Glossary Index